«Կորցնում ենք մեր երկիրը, դանդաղ մաշեցնում ենք եղած չնչին ռեսուրսները»,-այսօր mardik.am-ի հետ զրույցում, անդրադառնալով հարցին, թե ո՞ւր ենք գնում կառավարության գրեթե փոփոխության չենթրակվող կազմով, ասաց Կարապետ Ռուբինյանը:
Ըստ նրա` իշխանության մեջ որակյալ կադրեր անշուշտ կան, բայց պետք է խաղի կանոնները փոխել.«Եթե նույնիսկ հանճարեղ մարդկանց դնում են այնպիսի պայմաններում, ինչպիսին հիմա իշխանական համակարգում է, նրանք կամ դուրս են մղվում կամ փչանում են»:
Նա նշեց, որ այն բարոյական մթնոլորտը, որ կա իշխանության մեջ, որևէ լավ սպասելիքի չի կարող բերել: Կարապետ Ռուբինյանն ասաց, որ ընտրությունները կեղծելուց, հերթական անգամ իշխանությունը բռնազավթելուց հետո, իհարկե, սպասելի էր, որ փոփոխություններ չեն լինի:Ինչ վերաբերում է նախկին կառավարության կազմին, ասաց, որ նրանք բոլոր ոլորտներում տապալվել են:
Չորեքշաբթի, 13 Հունիս 2012 | 16:38